Zer iritzi dute profesionalek Osteophoenixen produktuei buruz?

Osteophoenix, FDA ziurtagiria lortzeko eta Estatu Batuetako merkatura jauzi egin ahal izateko Crowdfunding Bizkaian inbertsio-txanda irekirik duen proiektua, enpresa aitzindaria da bioteknologia-tekniketan organoak eta ehunak birsortzeko sistemei esker, bere produktuak erabiltzen dituzten inplantologoek goraipatu dutelarik.

Sektoreko kideen eta erabiltzaileen goraipamenak jasotzea ez da lan erraza. Osteophoenixen eginkizuna ez da soilik bere bezeroen pazienteen bizitza hobetzea, baizik eta odontologoei ere prozesu kirurgikoa erraztea.

Pedro Box Alacanteko Box Serrano Hortz Klinikako inplantologoaren ustez, hesi oklusiboei esker inplante zigomatikoak edo kirurgia-teknika konplexuak behar izango lituzketen kasuak konpon daitezke. Hesi oklusibo hauek, Unai Guerrero Bizkaiko CDB Taldeko inplantologoaren aburuz, “arazo gutxiagoko gauza zailak” egiteko aukera emateaz gain, “lortu daitekeenaren inflexio puntu bat izan da”.

Hortzen inplantologiako profesionalek gehien baloratzen duten faktoreetako bat haien oinarri biologikoa da. Bariko Lucio Milillo Hortz Klinikako Lucio Mililloren hitzetan, “hesi oklusiboa teknika bikaina da, biologian erabat oinarritua, kasu berean behar diren kirurgiak murrizteko aukera ematen duena”. Leccen kokatutako Studio Dentisticoko Paolo Mazzotta Doktoreak dioenez, “biologian oinarritutako teknika honek pazientearen hezur-birsorkuntza bermatzen du, eta, gainera, kasu konplexuak tratatzeko ikaskuntza-kurba nahiko sinplea du”. Orive Hortz Klinikako Eduardo Orive inplantologoak ere ikuspegi bera du Bilbon: “naturak ematen diguna aprobetxatzeko modurik onena da”; teknika honi esker, lehen planteatu ere ez zituen tratamenduak egin ahal izan ditu.

Ikus dezakegun moduan, Osteophoenixen hezur-birsorkuntzako eta ehun-birsorkuntzako aplikazio berritzaileak probatu dituzten profesional guztiek iritzi bera dute: emaitza onak dituzte pazienteetan, eta lehen askoz konplexuagoak ziren kirurgiak burutzen laguntzen dute. FibeMedic Hortz Klinikako Firas Alarcón inplantologoak hesi oklusiboak erabiltzen dituenetik, lehen oso konplikatuak ziren eta pronostiko erreserbatuak zituzten kasuak burutu ahal izan dituela uste du. Madrilgo LCM Hortz Klinikako Lara Castillo, berriz, poz-pozik dago bere tratamenduen emaitzekin, eta hauxe dio: “hesi oklusiboen bidez hezurrak birsortzeko teknikak arrakasta kirurgiko handiak eta poztasuna eman dizkit eta pazienteentzako lan-denbora eta trauma aurreztu dizkit”.

Azken finean, hortzen sektoreko profesionalentzat, operazio kirurgiko konplexuen arduradunak izanik eta Osteophoenixen produktuak erabiltzeko aukera izan dutelarik, aurrerapena ikaragarria izan da ebakuntzetarako lehendik zituzten metodo eta teknikekin alderatuta.

Beste askok bezala, berritzailea, sendoa eta osasun arloko proiektu batean parte hartu nahi baduzu, Osteophoenixen inbertsio-txandan parte hartzera animatzen zaitugu.

Osteophoenix eta Crowdfunding Bizkaian duen inbertsio-txandari buruzko datu gehiago jakin nahi baduzu sartu hemen.

CNMV

Crowdfunding Bizkaia está autorizada por la Comisión Nacional del Mercado de Valores conforme a la ley 5/2015 de Fomento de la Financiación Empresarial. Está inscrita con el nº 25 en el Registro de Plataformas de Financiación Participativa de la CNMV.