Zelan egin crowdfunding kanpaina arrakastatsua

Zelan egin crowdfunding kanpaina arrakastatsua

Teknologia berriek aukera asko eskaintzen dituzte mota guztietako proiektuetarako finantzaketa lortzeko orduan. Hori lortzeko modu eraginkorrenetakoa lankidetzan oinarritutako finantzaketara jotzea da. Aldagai anitzen artean, gehien erabiltzen dena crowdfunding kanpaina bat egitea da.

Hala ere, horrelako kanpaina batek bere helburuak azkar eta modu eraginkorrean lor ditzan, zenbait premisa hartu behar dira kontuan.

Zure crowdfunding kanpaina azpimarratzeko zenbait aholku

Proiektu bati publizitatea emateko orduan aurre egin beharreko lehenengo oztopoa, sarean dagoen inbertsio alternatiba kopuru handia da. Hori dela eta, ezinbestekoa da proposamenaren balio diferentziala azpimarratzea. Lehenengo pausoa, proiektua egituratzen duen ideia definitzea eta bere potentziala neurtzea da.

Batzuetan, modu egokian bideratutako ideia bat nahikoa da crowdfunding kanpaina bat bultzatzeko. Ikus dezagun, adibidez, zer gertatzen den dohaintza crowdfunding batekin: norbanako talde batek bere dirua kausa altruista baten esku jartzen du. Adibidez, ahal den neurrian lurrikara baten eraginak konpontzea, giza laguntza bidaliz.

Inbertsio, mailegu edo diru-sari motako crowdfunding-a baldin bada, beste pizgarri bereizleren batzuk pentsatu behar dira. Adibidez, proiektu batek, horren aldeko apustua egiten dutenen bizitza onerako alda dezakeela. Hori gertatzen da gizarte berrikuntzarekin eta, ondorioz, ekarpena egiten dutenek gizarte-ingurumen ingurunean duten partaidetza zuzenarekin, erlazionatutakoetan. Aurrerago adibide bat ikusiko dugu.

Ideia argitu ondoren, crowdfunding kanpaina modu eraginkorrean ezagutarazi behar da, beharrezko marketin ekintzen bitartez. Horretarako, beharrezkoa da mota guztietako azalpen edukiak sortzea eta banatzea. Hala ere, aurretik esandakoa azpimarratuz, gero eta beharrezkoagoa da storytelling eraginkor bat izatea: horrela, eragin emozionala ere proiektuaren balio bereizlearen parte izango da.

Crowdfunding kanpaina arrakastatsuen adibideak

Ondoren, jarraitu beharreko eredu gisa har daitezkeen crowdfunding kanpainen hiru ideia erakutsiko dizkizuegu.

WATS #SportWithValues

Crowdfunding Bizkaian martxan dagoen proiektua da. Bere helburu nagusia kirol munduko indarkeria desagerraraztea da, zenbait ekintza ildoren bitartez. Horien artean, hezkuntza arloko programak eta jarduerak diseinatzea, ekitaldiak egitea edo titulu akademikoak banatzea azpimarra daitezke. Xehetasun gehiago hemen kontsulta ditzakezu, eta bere inbertsio errondan parte hartu, WATSeko bazkide bilakatuz, 30€-ren truke.

Atomic Ed

Ed Grothus Estatu Batuetako Laborategi Nazionalerako lan egin zuen teknikaria izan zen, Hiroshiman eta Nagasakin jaurti zirenak baino 30 aldiz indartsuagoak ziren bonba atomikoak egiteko ikerketa lanetan. Dena den, lan horrek sortu zion egonezinak aktibista antinuklear bilakatu zuen.

Janire Najera Ed Grothus-engan inspiratu zen, gizon horren lana eta eginkizunak erakusten zituen argazki-liburua sortzeko. Crowdfunding kanpainari esker, egileak argazki-liburua argitaratzeko eta gizadiaren etorkizunerako erabakigarria izan zen pertsonaren lanak ezagutarazteko aukera izan zuen.

Eraman itzazu eskolara eta Partekatu Esperimentua

Duela urte batzuk, arrakasta handiko bi crowdfunding kanpaina kaleratu ziren. UNICEFen Eraman itzazu eskolara kanpainak atari bat eskaintzen zuen, eta bertan, mundu osoko hainbat ume ez zirela eskolara joaten ikusten zen, eta haiei laguntzeko aukera eskaintzen zuen. ONL Lankidetza Ekimen Onenaren Espainiako Fundraising Elkartearen saria irabazi zuen.

Acción Contra el Hambre erakundearen Partekatu Esperimentua kanpainari dagokionez, partekatzearen garrantziari buruzko mezu berritzailea eta denboragabea ematen zuen, oihartzun handia lortu zuen umeen desnutrizioari buruzko bideoarekin. Urteko Fundraising Kanpaina Onena izan zen.

Bisita ezazu Crowdfunding Bizkaia zure ideia errealitate bilakatzeko edo martxan dauden proiektuetan inbertitzeko.